21/5/14

¡Qué tendrán...!

















¡Qué tendrán dambas a dos
que me suerben el sentío,
m’esfaratan argumentos,
me tién pendiente d’un jilo
y jacen que me se caiga
la baba y el albedrío!

¡Qué tendrán que si sonriyen
voy yo tamién y sonriyo
y si se ríen con juerza
con más juerza yo me río;
y si lloran me da argo,
me muero manque esté vivo,
las espachurro en mis brazos,
y las jincho de besinos!

¡No jagais más carantoñas,
venirse dambas conmigo
que sos voy a mercá chuches
y a jartaros de miminos.

El agüelo
.
º